الادب الشعبى

اولا هاتكلم عن اللغز فى الادب الشعبى
هو عبارة عن كلمات محيرة تطرح السؤال عن معناها وهى تعتمد على الذكاء والفطنه وسرعة التفكير
اسبابه ووظائفه :- ربما السبب وراء طرح اللغز هو اختبار درجة ذكاء المستمع او درجة معرفته او للتسلية والاستمتاع او لتنشيط الذهن وجذب الانتباه
انواع اللغز
اللغز اللغوى والادبى
تحوى كتب التراث كثير من هذه الالغاز مثل
احرقه الله بنصف اسمه وصير الباقى صراخا عليه؟من هو؟
اسم من قد هويته ظاهر فى صروفه
فاذا زال ربعه زال باقى حروفه
فما هو؟
ودبابة تحت العباب بممكن امين ترى السارى وليس يراها
هى الحوت او من الحوت مشابه لو كان فولازا لكان اخاها
فما هى؟
وقاض قضى فى الارض عدل ا له كف وليس له بنان
اذا حكم رضى الناس بحكمه وليس له نطق ولا بيان
فما هو؟
وآكلة بغير فم وبطن لها الاشجار والحيوان قوت
اذا اطعمتها انتعشت وعاشت واذا اسقيتها ماء تموت
فما هى ؟
اللغز الحسابى وهو معروف لى الرياضيين وهو يؤدى الى انعاش الفكر والتحدىمثل
معنا 8 ثمانيات نريد ان نستخدمها جمعا او طرحا او ضربا او قسمة بشرط ان الناتج يساوى الفا
فما هو الحل؟
رجل مريض وصف له دواء فى تفاحة ولكن لابد لمن ياتى بالتفاحة ان يمر على سبع معديات او (سبع بحور) وكل معدية
لابد ان يقسم مع اصحابها العدد بالنصف فكم تفاحة ياتى بهاقبل ان يمر باول معدية ؟

ياليت ذا القطا لنا ومثل نصفه معه
الى قطاة اهلنا اذن لنا مائه
فكم عدد القطا الذى راته ؟

وهناك اللغز الشعبى وهو الذى ينتشر بين افراد الشعب ويتخذونه وسيله للتسلية
ومن امثلة الالغاز الشعبية ما ياتى :- ربنا خلق حاجة وما شفهاش
قد القالب ونازل يطالب
جمل بارط فى المبارك ياكل حشيش الدنيا وهو بارك
انا بنت الشركسى البس واقلع اطلسى وراى سواق بيسوقنى وعمرى ما اتكسى
قد النملة وتعمل عمله
عقدة ليف لا يحلها نبى ولا شريف
سيتنا الشيخة شرف الله قدرها تحبل وتولد جدايل شعرها
عنزتنا القرعة فى الجبل ترعى ولبنها الغالى يتباع بالارطال؟
ابويا بنى لى بيت ما تقدرش تعد شبابيكه ؟
ابويا بنى لى مندرة فيها الضحك والكركرة
ويلاحظ ان اللغز الشعبى يتميز بالبساطة والسهولة وانه يعب عن البيئة المحيطة
الغاز عامة
مثل
ما الفرق بين الساء والارض؟
ما الشئ الذى رأسه اعلى من النجوم؟
ما الشئ الذى خلقه الله وعظمه؟
ثلاثة ارباعها يساوى نصها فما هى؟
تاكل نصه تموت تاكله كله تعيش ؟
ما الشئ الذى يحمل اثقالا ولا يحمل مسمارا؟
من هو الذى تنحنى له الرؤوس ؟
بناتى واخواتى وعماتى كلهم من مراتى ؟ ما الحل؟
اربع تفاحات عايزين نقسمهم على ثلاثة بحيث لا تقطع اى تفاحة ولا واحد ياخد اكتر من التانى ؟ فما الحل؟
ما الشئ الذى نجده فى الدقيقة مرتين وفى القرن مرة واحده ؟
صبى فى ورشة بياخد كل يون اتنين جنيه يبقى ياخد كام فى الشهر ؟
رجل معه 17 جملا ومعه 3 اولاد اوصى ان ياخذ الاول نصف الجمال والثانى الثلث والثالث التسع بحيث لا يذبح ولا يباع اى جمل فما الحل؟

ها مين هيشارك ويحل الالغاز؟

نكمل باقى الامثال
-اللى يجاور الحداد ينكوى بناره
-باب النجار مخلع
-ادى العيش لخبازينه لو اكلوه كله
-الفخرانى يشرب فى المواجير المكسرة
-مارس خراب المدارس
-زى ضرابين الطوب يعدوها بالالاف ويتغطوا بالبراش
-ازرع البصل من عروقه
-ازرع كل يوم تاكل كل يوم
-يموت الزمار وبقه بيلعب
-التجارة شطارة
-الارض سودة والطاعم الله
-زى النوتى الغشيم
-صباح الفوال ولا صباح العطار
-الشحات له نص البلد
-الضرب فى الميت حرام
-غاب القط العب يا فار
-راحوا الناس وبقى النسناس
-الحمار شحر فى مطلع شتم اللى على التل
-دخل العتبة وخنق الرقبة
- زى بعجر اغا ما فيه الا اشنابه
-مايعجبك البيت وتزويقه اللى جوة نشفان ريقه
-عدى على عدوك معرش ولا تعدى مكرش
-شابت لحاهم والعقل لسه ما جاهم
-ان كان لك حاجة عند الكلب قوله يا سيدى
-اسجد للقردفى زمانه وجاريه مادام سلطانه
-اللى تشوفه راكب على العصا قول له مبروك الحصان
-العيش ما تعلاش عن الحاجب
-اربط الحمار مطرح ما يعوزه صاحبه
-الحيطان لها ودان
-حاميها حراميها
-يا فرعون ايش فرعنك قال مالقيتش حد يلمنى
-القوالب نامت والنصاص قامت
-بوس ايد حماتك ولا تبوس ايد مراتك
- نار مراتى ولا جنه حماتى
-قرد يسلينى ولا غزال يغمنى
-بنت البيت عورة
-بنت الدار مالهاش مقدار
-من بره الله الله ومن جوه يعلم الله
-من برة وردة ومن جوة قرده
-قالوا حماتك بتحبك قلت ليه اجننت
-ضل راجل ولا ضل حيطة
-يا مآمنه للرجال يا مآمنه للمية فى الغربال
-شمس بيتك ولا ضل بيت ابوك
-يا واخده القرد على ماله يروح المال ويبقى القرد على حاله
-ابنك على ما تربيه وجوزك على ما تعوديه
-اربطى جوزك فوق السطوح ان كان فيه خير ما يروح