حقك؟؟؟؟ لتنمية وتوعيه الخرجين من علوم

[size=18]بسم الله الرحم الرحيم[/size]

الشهاده لوحدها ماتكفيش لازم نسعي علي كد ما ربنا يقدرنا ونرفع من قدراتنا

للتمكن من دخول سوق العمل والحصول علي فرص مناسبه

سأتناول أكثر المواضيع سخونة والتي تهم جميع الكيميائيين الذين يعملون بمجال التحاليل الطبية، والتي تثير شغف طلبة العلوم بجميع الجامعات المصرية ، ليكون هو القول الحسم في هذا الموضوع :

(القول المختصر لترخيص المختبر)
بسم الله الرحمن الرحيم

سأتولى بإذن الله شرح خطوات مزاولة المهنة وعمل الدبلومات .. إلخ لأنه قد كثرت الأقاويل حول هذا الموضوع وهذا للكيميائيين أو إخواتنا الصيادلة أو البياطرة المتخرجين (طازة) أما الأصدقاء فأرجو منهم التعليق أو الإضافة من أجل التواصل والتفاعل ..

أولا .. لازم أقول حاجة مهمة جدا جدا واسأل سؤال مهم :

س / هل من حقي أن أفتح معمل ؟ وأكتب عليه اسمي ؟ وهل من حقي ابقى دكتور تحاليل؟

هذا يقودنا إلى سؤال هام جدا : هل قانونا المعمل ده من حقي ؟

* إن القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى ، ويلزم لممارستها الحصول على شهادة الدراسات العليا. وإذا تحدثنا عن مهنة التحاليل الطبية ، فمعروف أنها مهنة الكيميائيين والصيادلة في الأصل.

* هذا القانون معمول به في كثير من الدول العربية مثل تونس – سوريا – لبنان – ومصر وجميع دول العالم الأول مثل : أمريكا – كندا – فرنسا – ألمانيا – إيطاليا – بلجيكا – بريطانيا .. إلخ أي أن القانون المصري متفق مع برتوكولات وقوانين الدول الأوربية وأمريكا !!

وجميعها يعترف بإدارة وتملك الكيميائيين الأخصائيين لمعامل التحاليل الطبية ( يعني تبقى صاحب ومدير معمل تحاليل طبية)

إذن فلا يجوز تعديل أو إلغاء هذا القانون لأنه قد ثبتت صلاحيته لا أكاديميا ولا شرعيا ولا رسميا ولا عمليا بل دوليا أيضا !!!!

* إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو أجهزة الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية وتطبيقات الكيمياء أو العضوية أو التحليلية مثل التحليل التربيديمتري أو الفوليوميتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .(شوف كنت بتقعد في معمل الكيميا كام ساعة ؟؟؟)

* ومعروف على مستوى كوكب الأرض كله أن الكيميائيين والصيادلة هم أكثر الفئات إلتصاقاً بالحياة المعملية فمثلاً قد تدرس بعض مساقات الكيمياء العضوية أو التحليلية للكيميائيين 4 ساعات للسكشن الواحد وفي سنوات التخصص تصل إلى 6 ساعات !! كما انه معروف أن أكثر الفئات التي تعمل بمجال التحاليل الطبية في مصر هم الكيميائيون يليهم البيطريين ثم الأطباء !! بنسبة قد تزيد على الأربعة أضعاف (!!)

* المسألة تتلخص في تحليل عينة ( فقط) فالجميع من أطباء أوغيرهم - رسميا - غير مطالبين : لا بتشخيص سريري – ولا بربط النتائج – ولا بكتابة علاج - أو تفسير نتيجة !!! حتى سحب بعض العينات قد يخرج عن نطاق تخصصك!! مثل عينات الدم للمولودين حديثا (تعرض على أخصائي الأطفال) – عينات فحص الأورام ( تعرض على أخصائي الباثولوجي) – عينات البذل النخاعي (تعرض على التخدير أو الحميات)

* للأسف يروج بعض الأطباء في أحقيتهم وإلغاء أحقيتنا في ممارسة المهنة ويضعون العراقيل ويحاربوننا بشتى السبل من أجل وضع القصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح) وانتهاك الأعراف الدولية، ولي عنق الحقائق ، واتباع مبدأ "بروكر ستيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إعطاءنا لتصاريح ناقصة مما يجبرنا على رفع القضية وخلافه ؟؟؟ وكتابة عبارات في الصحف بغرض الإثارة وتحدي القانون الرسمي للبلاد وخرق الأعراف الدولية كأن يكتبون: " تضافروا لقصر المهنة على الأطباء" أو من يكتب : " فوضى التحاليل الطبية"

* لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن الآن هناك من يعبثون بشد ذيل القط النائم من آن لآخر، ومنهم الذين يريدون الحصول على شعرة من شنب الغول الأسود وهو غافي !!

* الخلاصة .. التحاليل الطبية لا تعتمد على التشخيص السريري .. أنت - في المعمل - تتعامل مع عينة يعني مركب كيميائي - لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار ، لكن لا يعتمد عليها.
إن ممارسة التحاليل الطبية هي حقك ..
.. حقك

.. حقك !!

* في دول العالم الأول يتساوى الكيميائيين مع الصيادلة مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية هو أستاذ صيدلي !! ويتناوب على رئاسة المنصب كيميائيين وبيطريين وأطباء وصيادلة أيضاً ، ويضم هذا الإتحاد الكثير من الأساتذة البيطريين والكيميائيين والصيادلة !!. كماأن اللجان العلمية يشترك في عضويتها الكثير من أساتذة التحاليل الأطباء والصيادلةواالبيطريين والكيميائيين ، ويتم الترقي لرئاسة وأمانة هذه اللجان الطبية الأساتذةالصيادلة والبياطرة والكيميائيين على قدم المساواة دون أي تفرقة من أي نوع !! كما يتولى إدارة بعض معامل البرج المصرية أو العربية بجانب الأطباء .. صيادلة وكيميائيين أيضا !

* وجدير بالذكر - ومعلومة لمن لا يعلم - أن من أبرز مؤسسي أقسام الباثولوجيا الإكلينيكية بكليات الطب المصرية العريقة هم أساتذة صيادلة وكيميائيين وبيطريين في علوم الميكروبيولجي والبيوكمستري ، بل ويدرسون فيها أيضاً !!!

حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدافع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي ..

ركزوا معايا يا جماعة .. وفنجلوا عنيكوا و طرطقوا ودانكوا

عشان أنت ككيميائي تفتح معمل بإسمك – وتبقى دكتور تحاليل - لازم تعمل الخطوات الآتية:

(1) أن تحصل على أحد أو جميع شهادات الدبلوم في الآتي :+ دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه + دبلوم البكتيريولوجيا العامة أو الإكلينيكية أو على:

+ دبلوم الكيمياء الحيوية التحليلية أو الإكلينيكية أو الماسترية فيها

(2) ح تاخد من النقابة درجة : " أخصائي تحاليل طبية" وليس " أخصائي ميكروبيولجي " أو " كيميائي طبي " كما يعتقد البعض.

ثم تأخذ التصريح من وزارة الصحة ويستغرق أشهر حسب دورك و العدد .. إلخبس ح يكتبولك في التصريح عبارة:"مع عدم التشخيص الطبي المعملي" يعني التصريح ده مش ح يبقى فعال وتقدر تفتح بيه معمل وتحط عليه اسمك ؟؟

(3) ح ترفع قضية وتقعد حوالي سنة ب 1000 ألف جنية بس عندمحامي مشهور (تفاصيل الموضوع عندي .. ولما الوضوع يطق ف دماغ أي عضو يبقىيكلمني)
وح تكسبها .. ح تكسبها .. ومضمونة 100% ( لأن ده حقك ) .. المهم بعدلما تكسبها ح تبقى دكتور تحاليل فعلا .. وهنا يسقط الفرق (عمليا) بينك وبينالطبيب الأخصائي !!

+أسئلة ع السريع باختصااااار (مجاب عنها ) :

س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟
ج 1 / إحنا في مصر !

س 2 : لأ بجد .. عاوز أعرف إيه لزومها؟
ج 2/عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي لأن فيها قضايا ونيابة ومحاكم !! إنهم يلعبون لعبة :" الحق يغتصب" وأكرر .. أكرر هذا حقك .. حقك وبصراحة "ما ضاع حق وراءه مطالب !"( واللي عاوز يعرف تفاصيل القضية وخلافه من الألف للياء يبقى يكلمني )+ وأقول بصدق يتوقف قوة تأثيرنا لإكتساب هذا الحق بالعمل على تكوين لوبي قوي متمثلا في عدد كبير جدا من أخصائيي التحاليل الكيميائيين أو البيطريين أو الصيادلة بجانب النقابة للوقوف أمام التيارات المعارضة المناهضة والمناوئة للدستور !!

+ نقطة تانية .. هذا نوع من أنواع كوابح السيارات والفرامل (زي ما تقول كده عشان يقللوا الأعداد) ، وبذا يكون هناك قصورات وقيود كثيرة جدا علينا جدا من أجل ممارسة المهنة ( يعني لما يكون عددنا قليل يبقى ملناش صوت !!). لكن الأشنع والأفجع أن عددنا كبير وبرضه ملناش صوت يعني إحنا الأغلبية الصامتة !!!

س3: إيه أفضل وأسرع شهادة لفتح المعمل (يعني م الآخر .. عاوز أنجز)؟؟؟؟؟
ج 3 / دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 .

س 4 : الليلة دي ح تكلف كام؟
ج 4 / الدبلوما تمنها تبع المكان (متوسط كله 2000 + 1000 القضية) ، وعلى حد علمي أعرف أن أرخص دبلومة تحاليل هي (مشتهر) لكن يروجون أنها صعبة .. يليها (الإسماعيلية) الأسهل الأرخص .. يقولون أن اللي بيعدي هناك من جنب سور الجامعة بينجحوه !!!!!!!

س 5 : طيب لو أنا تخصص نبات أو كيمياء ونبات أوميكرو أو ميكرو وكيمياء ؟
ح 5/ تبقى العملية سهلة جدا ... ح تأخد الدبلوما ( الميكرو أو البيو أو ال2) + ح ترفع القضية لمدة سنة بعدها ترخص وتفتح معمل .. وفيما يلي أرقام تقريبية لأشهر الدبلومات المعتمدة ومصاريفها لعام / 2006* الأسكندرية / علوم - بيوكمستري – بتخرج حوالي 700 أخصائي – ومصاريفها حوالي 1000 جنيه* دمياط – بيوكمستري - بتخرج حوالي 200 أخصائي - ومصاريفها حوالي 1500 جنيه * شبين الكوم / علوم - بيوكمستري - بتخرج حوالي 700 أخصائي - ومصاريفها حوالي 2300 جنيه & ميكروبيولجي - بتخرج حوالي 50 أخصائي - ومصاريفها 750 جنيه* مشتهر(عند بنها)/ بيطري- بيوكمستري - تخرج حوالي 1000 أخصائي - ومصاريفها حوالي 750 جنيه * * المنصورة / علوم – ميكروبيولجي - تخرج حوالي 50 أخصائي - ومصاريفها حوالي 1000 جنيه بكتيريولجي - تخرج حوالي 50 أخصائي - ومصاريفها حوالي 1000 جنيه * الزقازيق / علوم - بيوكمستري – ميكروبيولجي* الإسماعيلية - بيو وفسيولوجي - تخرج حوالي 800 أخصائي - ومصاريفها حوالي 1300 جنيه & ميكروبيولجي - تخرج حوالي 50 أخصائي - ومصاريفها حوالي 1300 جنيه* بنها - ميكروبيولجي - تخرج حوالي 50 أخصائي++ وفيه الكثير منها طنطا والقاهرة وعين شمس .. إلخ لكن دي أمثلة فقط ..

س 6 : طيب لو أنا قسم كيميا فقط ؟
ج 6 / هنا ح يبقى قدامك فرص محدودة شوية ..* الأسكندرية / علوم – بيوكمستري – تخرج 700 أخصائي – ومصاريفها حوالي 1000 جنيه* دمياط – بيوكمستري - تخرج حوالي 200 أخصائي – ومصاريفها حوالي 1500 جنيه* الإسماعيلية – بيوكمستري وفسيولوجي - تخرج أكثر من 800 أخصائي – ومصاريفها حوالي 1300 جنيه وفيها كمان : ميكروبيولجي - تخرج حوالي 50 أخصائي* شبين الكوم / علوم – بيوكمستري – تخرج حوالي 650 أخصائي - حوالي 2300 جنيه* مشتهر (عند بنها)/بيطري – بيوكمستري - تخرج حوالي 1000أخصائي - تقريبا 750 جنيه وعلى ما اسمع إن (دي آخر سنه ح يقبلوا فيها قسم كيميا خاص)

ودي أشهرها .. وفيه دبلومات أخرى لا تعطي التصريح بالمزاولة لكن قليل من يحصل عليها بهدف العلم فقط وهي دبلومات مرتبطة بالتحاليل، لكنها لا تمنع الترخيص مثل :* معهد البحوث الطبية / الأسكندرية- باراسيتولجي* معهد الهندسة الوراثية / السادات - مناعة جزيئية - على فكرة الدراسة فيها سنتين (دي للي غاويين علم بس)

س 7 : طيب لو أنا تخصصي حيوان خاص أو نبات خاص أو ميكرو خاص .. إلخ يعني مفيش كيميا؟
ج 7 / في الحالة دي ح تأخد معادلة كيمياء ممكن تاخد (حوالي سنتين) + الدبلوما + القضية (سنة) .. * أما عن المعادلة فهي موجودة في شبين الكوم .. وبتاخد حوالي سنتين
ملاحظة 1 : لازم معادلة كيمياء عشان تفتح معمل
ملاحظة 2: لا يشترط أن تحصل على المعادلة قبل أو بعد الدبلوما ( الإثنين زي بعض وعلى ضمانتي ) بعد لما ترفع القضية ح تكسبها حتى لو كانت المعادلة بعد الدبلوما !! + معلش .. ممكن يكون الموضوع ده فيه تعب شوية ، لكن برضه ح تاخد اللي عاوزه ، وح تفتح المعمل

والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز

س 8: طيب إيه أرخصهم وأسهلهم؟ ويديلي الشهادة ع السريع ؟؟

ج 8 / * احذر هؤلاء : المنصورة (معقدينها حبتين) - عين شمس (ناشفة؟)

تحاشى هؤلاء : مشتهر (لان اللي بيدخل ما بيطلعش إلا فيما ندر !) - شبين (مهرها غالي 2500 ) - *(بيقولوا مش عاطفية !)طنطا* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)

س 9 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج ؟
ج 9 / دبلوم ميكرو + ماستر أو دكتوراه في البيو ( أو العكس لكني أفضل كده)

س 10 :( للمحترفين فقط) : طيب لو أنا عاوز آخد جايزة نوبل في التحاليل أو كأس العالم ؟
ج 10 / دبلوم ميكرو + دبلوم بيو + دكتوراه في المناعة
ملاحظة : اعرف دكتور معاه كل الشهادات دي واعرف دكتور تاني معاه دكتوراه البيوكمستري + ودكتوراه الميكروبيولجي وكاتب ع المعمل : " معمل الدكاتره / فلان " ، وكاتب ع التقرير :" الدكتور الدكتور/ فلان "- فعلا بلد بتاعة شهادات !!

س 11: ممكن أعرف إيه حكاية المناعة دي بقى؟؟
ج 11 / معهد البحوث الطبية / اسكندرية بيدي ماسترية للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين خاص .. تحيز؟.. أو عندك معهد بحوث الهندسة الورائية / السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات / سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية

س 12 : فيه ملاحظات تانية ؟
ج 12/ طبعا فيه كتييييييير وسأقولها تباعا طبقا لمدى مشاركتكم وتفاعلكم .. بس اللي عاوز يسأل أي سؤال أنا في الخدمة

(وابقوا ردوا عليا وسأنتظر مشاركتكم وتفاعلكم وسأرد عليكم

في أقرب وقت .. دمتم في رعاية الله وأمنه

يعنى خلاصه الموضوع ده كله

ان خريج علوم له الحق فى فتح معمل تحاليل باسمه

وبعدين يجب على كل طالب علوم ان لايكتفى بشهاده التخرج

ولكن يجب عليه ان يكمل مشواره بالكورسات والماجيستير والدكتوراه كمان

والقراءه ايضا شى مهم جدا للتدعيم والتثقيف

تسلم ايدك ياصالح

موضوع جميل

ياريت ياجماعه الكل يناقش الموضوع ده

واللى عنده افكار جديده يقولها

واللى مش شايف ان خريج علوم يستحق فتح معمل باسمه يقول ويناقشنا فى الراى ده

شكرا لمساندتك الاخت مريم
واحنا في انتظار مشاركتكم

اولا: اسمحلى اعبر عن عميق شكرى
ع الموضوع المهم الرائع ده
كتييييييير استفدت منه
بصراحة مش كنت اعرف موضوع القضيه ديه
كنت فاكرة الحياة ورديه
"رضينا بالهم _علوم_ والهم مش راضى بينا"
هههههههههههههههههههههههههه

ثانيا: فعلا عندك حق مش المفروض اننا نكتفى
بالشهادة العلميه بس
لازم كورسات وكمان ننزل تدريب ف المعامل
وزى ما قالت مريومة لازم نقرأ كتير ونتثقف مهم جدا

ثالثا: برجوا من الادارة تثبيت الموضوع لاهميته
ليس فقط لطلبة علوم الاعضاء بل وللزوار ايضا منهم

رابعا: عذرا طلب صغير تظبط الخط لان جالى عمى
كفايه جبتلنا اكتئاب كمان عمى
والله حرام
هههههههههههههههههههه

واخيرا
دمت ف حفظ الله
مع خالص شكرى واحترامى الك

اولا شكرا جداااااااا ليكي وهحاول اكبر خطي
بس علي فكره انا في الواقع روسماتي وخطي في الكليه صغيرين اوي
واعتقد ده بينقصني درجات كتيره بس ان شاء الله هحاول اتغلب علي المشكله

لا شكر على واجب
ههههههههههههههههههههههههه
بس الحال من بعضه
ازمة خطوط ف البلد هنعملهم ايه يعنى
ههههههههههههه

شكرا لك يا اخ صالح على هذا الموضوع الرائع وجزاك الله خيرا Like a Star @ heaven

تعليقى على الموضوع : هل يا اخ صالح متاكد ان فى قضية ؟؟؟؟
لو فى قضية ,معروف ان يوم الحكومة بسنة يعنى بعد ما خريج علوم يخلص تعب السنين من مذكرة وقرف الدكترة يجرى فى المحاكم ويعمل قضية Embarassed

ويا ترى تخلص امتى القضية.
ثانيا: لو دكتور تحاليل مش عايز يفتح معمل باسمه يعنى هيشتغل فى معمل او فى مستشفى المفروض برضه يعمل قضية والا لاء؟؟؟؟
ثالثا :فوق وضحت ان المتخصص نبات له فرص كثيرة عن المتخصص كيمياءازاى؟؟؟
انا عايزة اوضح نقطة ان منهج علوم مش صعب ,بس الصعبوبة تتمثل فى الدكترة والوظيفة مش فينا والا فى المنهج علشان معظم طلبة علوم تقديرهم فى الثانوية فوق 90 والمنهج هو هو بتاع الثانوية ماعدا بعض الحاجات بس الصعوبة فى الدكترة والوظيفة (علشان نكون دكترة تحاليل الواجب علينا نعمل قضية بعد التعب والمشقة)

اولا ان شاء الله اه
ثانيا لا مش شرط يعمل فضيه بس لازم يعمل الدبلومه
ثالثا انا مقولتش فرصته احسن بس ليه شغل كتير ممكن تشتغلي في مركز بحوث
بالاضافه للتحاليل وممكن تشتغلي في حاجات كتيره بس الافضل انك تكملي
وتعملي ماستر و دكتوراه وحسب تخصوصك هتلاقي شغلك
اما بالنسبه لقسم نبات عندنا محتاجين معيدين وانا بفكر ادخله لومحدش دخله
اعلي مني في المجموع

وشكرا علي مرورك اختي العزيزه